الإباحية من أكثر المشكلات انتشارًا حاليًا.
بين الشباب والبنات.
بين الكبار والصغار.
واللي بتتصل بمشاكل عميقة، زي فقد التواصل الحقيقي بين أفراد المجتمع، أو حتى التلامس والاهتمام بين أفراد الأسرة الواحدة، أو غياب دور المراقبة.
الإباحية مش مجرد نزوة عابرة، بل فيها مشكلة كبيرة، وهي أنها بتشتغل على مراكز المكافأة في الدماغ.
فبعد فترة تحتاج تزود مدة المشاهدة، أو تغير الحاجات القديمة؛ لأنها مبتحققش نفس الأثر القديم.
وشوية تنتقل من المشاهدة المجردة للقبول وبعد كدا التهيؤ، والبحث بقى عن مكان تفضي فيه شهوتك المستعرة دي.
سواء علاقات محرمة، في الواقع أو عبر الإنترنت، أو اعتداء جنسي.
وبتضاعف المشكلة لو كنت رب أسرة، وأولادك بيراقبوا تصرفاتك، وملاحظين التغيرات في البيت وعلاقتك بزوجتك اللي بتضعف يوم ورا يوم، ومش بعيد يكونوا عارفين سبب التغيير دا، ومصدومين منك، أو بيحاولوا يقلدوك.
فيه 4 خطوات ممكن يساعدوك على التغلب على إدمان الإباحية.
1. غلق النوافذ.
لو اللاب بتاعك في الأوضة خرجه في الصالة.
لو فيه صديق بيدفعك للمشاهدة؛ اقطع علاقتك بيه.
لو فيه سبب معين أنت رابط المشاهدة بيه؛ زي الجوع، أو التعب، أو الحزن؛ حاول تقطع السبب دا من جذوره.
العادة اللي اتعودت تقوم بيها يوميًا مش هتتغير بين يوم وليلة، وخصوصًا إن كل حاجة حواليك بتغذي الصراع اللي جواك.
اقفل كل النوافذ والأبواب، وامسح أي حاجة تسهل وصولك للإباحية.
2. الإقرار بالعجز.
الإدمان اعتراف بفقدك القدرة على السيطرة، وإقرار بعجزك.
فيه زمالات اسمها (زمالات المدمنين المجهولين).
لما مجموعة مثلًا يكونوا مش عارفين يسيطروا على إدمان؛ بيتجمعوا ويساعدوا بعض.
خليني أقولك شوية من الخطوات اللي بيستخدموها:
- اعترفنا أننا عاجزون، ولا نستطيع إدارة حياتنا.
2. آمنا أن هناك قوة أعظم منا قادرة على أن تعيدنا للصواب.
3. اتخذنا قرارًا بتسليم إرادتنا وحياتنا لعناية الله.
4. اعترفنا لله، لأنفسنا، ولشخص آخر بالطبيعة الحقيقية لأخطائنا.
5. سألناه بتواضع أن يخلصنا من نقائصنا الشخصية.
6. قمنا بعمل قائمة بكل الأشخاص الذين آذيناهم، وأصبح لدينا نية تقديم إصلاحات لهم جميعًا.
7. قدمنا إصلاحات مباشرة لهؤلاء الأشخاص كلما أمكن ذلك، إلا إذا كان ذلك قد يضر بهم أو بالآخرين.
3. الوعي.
معرفتك بذاتك، لنقاط ضعفك واحتياجك، والإقرار بيها؛ أمر جوهري.
أنت أدرى الناس بنفسك.
هات ورقة وقلم حالًا، واكتب:
* ايه الأسباب اللي بتدفعك للمشاهدة؟
هل جوع للحب والاهتمام واحتياج جسدي؟
ولا فراغ؟
ولا للحصول على المتعة؟
وابدأ حلل الأسباب دي سبب سبب، وشوف ازاي تقدر تستبدله بسبب مشروع.
زي إنك مثلًا تعمل نشاط سار كل يوم؛ بدل مشاهدة الإباحية.
أو إنك تقرب من أهلك وتاخد منهم الحب والاهتمام، أو تقرب لزوجتك..
بدل الغرق في دوامة الاحتياج اللي بتخلقها الإباحية، واللي مبتشبعناش.
* وبعد كدا هات ورقة تانية، واكتب ايه الأسباب اللي عاوز توقف مشاهدة علشانها؟ والخطوات اللي هتعمل من خلالها دا.
4. تحمل المسؤولية.
تحمل مسؤولية إدمانك، وتحمل مسؤولية تعافيك.
ومترميش اللوم على حد تاني، أو على الظروف.
ومترميش كمان مسؤولية التعافي على حد تاني.
متقلش زوجتي لازم تساعدني، وإلا مش هتعافى.
دا مسؤوليتك، ودي حياتك.
وبعد كدا اعتذر للأشخاص اللي سببت ليهم أذى؛ زي زوجتك اللي بعدت عنها، وبقيت تبص ليها نظرة قليلة؛ لأنها مش زي الممثلات اللي بتتفرج عليهم.
أو أولادك اللي نظرتهم ليك اتغيرت؛ عوضهم عن الأذى اللي سببته ليهم.
وكن قدوة حسنة ليهم.
وبس كدا.
سلام.
الموضوع التالي
