لماذا نقع في الحب؟

^{لماذا نقع في الحب؟!} 

^{كتير مننا سمع عن الأساطير اليونانية والرومانية وحتى الفرعونية اللي بيدور اغلبها عن الحب..} 

 الحل: 📚📚📚 مكتبة ضخمة جدا 

من الكتب المبسطة والمضغوطة على هاتفك مع تطبيق أخضر

تطبيق أخضر يوفر لك آلاف ملخصات الكتب العربية والعالمية بطريقة مقروءة ومسموعة في أكثر من ١٦ قسم في كافة مجالات الحياة 

حمله الآن 😎

جوجل بلاي -- أبل ستور

^{لدرجة إن الحضارات دي من أهم رموزها ما يسمى بآلهة الحب!} 

^{وده بيبين قد ايه كانوا مشغولين بالحب وتفسيره لحد  التقديس..} 

^{ومن عمر الدنيا أصلاً والإنسان محاوط نفسه بالأسئلة، وبيحاول انه يوصل من خلال أسئلته لإجابات تروي فضوله وحبه للمعرفة.} 

 ^{وواحد من أهم الأسئلة دي هو السؤال المحير ده، واللي بيتسأل من آلاف السنين:}

^{لماذا نقع في الحب؟}

^{ليه بنحب؟}

^{ايه اللي بيخلي الإنسان يحب حد لدرجة إنه فجأة كده يقرر يشارك حياته وتفاصيله مع حد تاني وليه؟}

^{والموضوع مش مجرد تساؤل محير شخص أو اتنين او حتى 100..} 

^{بالعكس الموضوع كبير لدرجة ان في اكتر من مجموعة بحثوا فـيه وطلعولنا بأكتر من رأي..} 

^{١- الجماعة الأولانين: كان رأيهم ان الحب بيحصل بسبب التوافق الفكري، واللي بينتج عنه أشياء مشتركة،}

 ^{بمعنى انك لو قابلت حد بيفكر بنفس طريقتك او بشكل قريب منها جدا، بحيث يبقى بينكم حجات كتير ممكن تتشاركوها او تتناقشوا فيها وتجمعكم ببعض، بتلاقي نفسك معجب بيه وبالوقت بيتحول إعجابك ده لـ حب.}

 ^{ودول اللي طلعولنا بمقولة:}

^{“إذا أعجبك تفكير شخص ما فحتما ستعجبك الملامح” .}

 ^{٢- الجماعة التانيين: رأيهم ان الحب بييجي بالعشرة، بتعيش مع شخص لفترة طويلة، وتتشاركوا حاجات كتير، فبالتالي بتدوبوا فـ التفاصيل مع بعض لحد ما تبقوا شبه بعض فـ كل حاجة حتى الملامح..}

^{٣- الجماعة اللي سايبهم للاخر: هما اللي فاهمين الليلة كويس جدا، ودول اللي قالوا:}

^{” إذا وجدت سببا للحب، فهو ليس بحب..”} 

^{ومعنى الجملة دي هي إن الحب مالوش أسباب، بتحب فلان بتفاصيله كلها السلبي منها قبل الإيجابي والإيجابي قبل السلبي، مش عشان هو وسيم ولا عشان هي جميلة..}

^{وكتير مننا قابل ناس رابطاهم علاقات حب وطبعا فضوله بيجبره يسأل:  بتحبيه او بتحبها ليه؟} 

^{وردهم الوحيد في الغالب هيكون: هو كده..}

^{من غير سبب، بحبه او بحبها وخلاص!}

 ^{ومش بس دول..} 

^{ده كمان في اراء ومذاهب في الحب وأسبابه، لا تعد ولا تحصى..} 

^{تعرفوا ان في كتب وأبحاث كتير جداا كل اللي بتناقشه هو: “الحب”؟!} 

^{والحقيقة ان الموضوع اكبر بكتير من} 

^{من انه يتحصر فـ شوية نظريات وآراء..}

^{الحب بتفاصيله ومعانيه حاجة صعب جدا انها تكون بنفس الصورة والتجربة عند كل البشر! او حتى يتكرروا بحذافيرهم ويتطابقوا عند شخصين!}

^{ده حتى الشخصين اللي بيحبوا بعض بتلاقي كل واحد منهم بيحب التاني بطريقة مختلفة..} 

^{كل اللي حصل ان من بين كل الناس، اتشدوا هما لبعض..} 

^{ما بين مواقف وأماكن وأكلات وحاجات كتير كانت عادية، ولما اتشاركوها بقا ليها شعور مختلف!}

^{كلمة محدش غيرهم يعرف قصدهم بيها..}

^{تاريخ مميز بالنسبالهم،}

^{ذكرى حلوة بينهم مثلا..}

^{وحجات كتير اتبنى عليها حبهم لدرجة انهم فعلا بيكون صعب يحددوا ايه ما بين كل التفاصيل اللي بينهم دي هو السبب فـي انهم يحبوا.. أو يقعوا في الحب!}

^{عموما، الاستمتاع بالشيء أجمل بكتير من طرح الأسئلة عنه، والحب شيء أجمل من إنه يتحول من شعور إنساني لمادة علمية بحتة!}

^{في مقولة بتقول إن الحب الحقيقي مبيقابلش الإنسان غير مرة واحدة بس، وكمان مش كل الناس بالحظ الكافي اللي يقابلهم بشخص يحبهم ويحبوه..}

^{لو انت بتحب، فأحسن شيء تعمله هو انك تستمتع بالشعور ده من غير ما تشغل نفسك بأسبابه الوجودية..} 

^{ولو لسه مقابلكش الحب، فانا من كل قلبي بتمنالك تلاقيه.}

^{المصدر: كتاب لماذا نقع في الحب/ هيلين فيشر}