الرقمنة بالحد الأدنى

فكرة من كتاب digital minimalism – الرقمنة بالحد الأدنى

اسم مؤلف الكتاب: كال نيوبورت

انت عايز تشتري عربية تروح بيها الشغل، وعشان انت شخص عقلاني فهتحسب تكلفة القرار دا الاول قبل ما تقوم بيه .. ودي كانت حسبتك

 الحل: 📚📚📚 مكتبة ضخمة جدا 

من الكتب المبسطة والمضغوطة على هاتفك مع تطبيق أخضر

تطبيق أخضر يوفر لك آلاف ملخصات الكتب العربية والعالمية بطريقة مقروءة ومسموعة في أكثر من ١٦ قسم في كافة مجالات الحياة 

حمله الآن 😎

جوجل بلاي -- أبل ستور

—

تكلفة العربية = ١٠٠ الف جنية (تُدفع مرة واحدة)

تكلفة البنزين / الصيانة في السنة = ١٠ الاف جنية (تُدفع بشكل سنوي)

المهم .. انت بعد الحسبة دي وصلت في الاخر ان قرار شراء العربية معقول ..

—

بس انت وانت بتحسب هنا نسيت:

١- المجهود اللي هتتكلفه بسبب القلق من السواقة على الطريق

٢- والقلق من البحث عن ركنة كل يوم

٣- كمان نسيت تكلفة الفوائد الصحية اللي هتخسرها لانك هتتوقف عن المشي (اللي هو نشاط رياضي)

—

احنا بنحسب تكلفة القرارات في حياتنا بشكل غلط

—

عندك مثلا تكلفة استخدام الشبكات الاجتماعية: بنضيع ساعات بتواجدنا عليها .. وبنفتكر ان هي دي التكلفة اللي بندفعها .. بس التكلفة الحقيقية اكبر بكتير من التكلفة المباشرة دي

مثلا بننسي نحسب .. أثر التشتت الرقمي علينا .. ولا الإرهاق من حجم الضوضاء الرقمية اللي بنتعرض ليها كل يوم .. ولا الخسارة اللي بنخسرها للوقت اللي كان المفروض نستخدمه في انشطة مفيدة اكتر…

—

لو عايز تحمي نفسك من الشبكات الاجتماعية .. الناس بترشح حلول كتير … زي مثلا انهم يطفوا التنبيهات في هواتفهم – بس الحلول دي قصيرة المدي … هتقفل التنبيهات ل ١٠٠ تطبيق؟

المفروض نرجع ورا شوية ونتسائل السؤال اللي المفروض نسأله .. هل انا محتاج التطبيقات دي اصلا من البداية؟

—

digital minimalism أو الرقمنة بالحد الأدنى ..

دا اسم كتاب ل “كال نيوبورت” .. بيسلط الضوء على المشكلة دي وبيوضح لينا ازاي ممكن نتعامل معاها

—

الكتاب بيرشح أسلوب حل … متقسم على خطوتين

—

الخطوة الأولي: هي التساؤل بشكل دائم عن التكلفة

—

أنت مثلا متواجد على السوشيال ميديا عشان تعمل شبكة علاقات مع الناس .. بس لو قيمت الوقت والمجهود اللي بتوظفه هنا .. هل انت فعلا بتقوي علاقاتك بالناس .. هل دا افضل توجيه للوقت والمجهود دا؟

معظم الناس اما بيراجعوا تواجدهم على السوشيال ميديا – بيلاقوا أن التكلفة اللي بيدفعوها اكتر بكتير من الفوايد – دا بيكون دافع قوي ليهم للتقليل من التواجد عليها

—

الخطوة الثانية: هو الرجوع بالزمن

بدل ما تعمل تطوير upgrade اعمل العكس downgrade تخفيض

—

تخفيض downgrade الأدوات الرقمية

١- تستخدم كمبيوتر أبطأ

٢- تليفون أقدم

٣- وفي اسوأ الاحوال … بدل ما تستخدم الشبكات الاجتماعية من خلال التطبيقات … استخدمها من المتصفح

وهكذا

—

تخفيض downgrade للتواصل الرقمي

متعملش لايك / كومنت افتراضي .. اعمل لايك / كومنت حقيقي

الاتصالات البشرية .. متعملهاش بشكل الكتروني .. لو حد مثلا نشر صورة وانت حابب تعلق عليها .. احتفظ بتعليقك دا وقوله لصديقك أما تقابله .. في محادثة حقيقية