المحتويات
الحلقة دي مش الغرض منها تقديم حلول؛ لأن تقديم الحلول لوحده مش كافي.
الإشارة للأخطاء أمر مهم؛ علشان نعرف بنعمل ايه غلط، ونوقفه.
وايه الصح، ونعمله.
حلقة انهارده عن أخطاء شائعة في التربية.
واللي بنحاول نسلط فيها الضوء على سلوكيات غلط؛ علشان منعملهاش، أو نتوقف عنها لو كنا بنعملها.
المقارنة
ويمكن دا من الأساليب اللي بتكون بحسن نية، بس أذاها جارح.
المقارنة في حد ذاتها كويسة بالقدر الصحي.
إنك تقارن نفسك باللي أقل منك فترضى.
أو باللي أعلى منك فتكون عاوز تلحقه.
بس بالقدر اللي يدفع للعمل والإنتاج، مش لتحقير المجهود.
ولما تتم المقارنة دي، تكون بوعي للتفاوت في القدرات والمهارات.
وإننا بنعملها؛ علشان نوصل لنقطة أفضل، مش للتدمير.
التهديد بعدم منح الحب (أو استخدم المخاصمة) كأداة للتحكم.
واللي لو اتكرر استخدامه بانتظام هيخلي الطفل ينمو بقلقٍ بالغٍ، وميلٍ للشعور بالذنب، والاتجاه نحو الاسترضاء.
* وزيه التهديد بالهجر والتخلي، أو الانتحار = واللي هيولد عند الطفل (قلق الانفصال).
النبرة المتهكمة والنقد المستمر.
اللي بيقللوا من ثقة الطفل، ويخلوه مش مستقر.
الخوف الزايد (المبالغة المفرطة في الحماية) أو الدلال.
إنك متخليهوش يعمل حاجة بنفسه، ومتخليهوش يواجه مخاطر، ولا يتحمل مسؤولية.
النزعة السلبية أو الميل للشك في كل حاجة.
إنك تشوف كل حاجة بمنظار السلبيات، ومتشوفش إيجابيات ولا تخليه يحس إنه أنجز حاجة.
تطالبه دايمًا بالكمال، بدون تقدير لأي شيء.
الاعتداء- سواء جسدي أو لفظي.
فيه طرق تانية للتعليم والتربية الصحيحة غيرهم.
أنت مبتستخدهمش غير لما تفشل في الطرق التانية (الصح) أو لإنك مش عاوز تبذل مجهود.
ومننساش طبعًا الاعتداء الجنسي، وتدميره لحياة الطفل.
إيصال شعور ليهم إنهم غير مرغوب فيهم.
إنه غلطة، أو وجوده مش محبوب.
أو إنكم كنتم عاوزين ولد، وطلعت بنت.
أو إن خروجه للحياة كان نحس مثلًا.
إشعارهم بالذنب.
كوسيلة للتحكم فيهم.
زي: الادعاء بأن السلوك غير المرغوب فيه بيتسبب دايمًا في مرض الأم.
إلقاء قدر كبير من المسؤولية عليهم.
الطفل مثلًا ينضف أوضته، يلم لعبه، يسرح شعره.
لكن ميتحملش مسؤولية أخوه الصغير بشكل كامل.
أو تحكيله على مشاكلك وهمومك، وخناقاتك مع الطرف التاني.
إنكار حصول مواقف معينة. (حصلت بالفعل).
بل والتشكيك في صحة حدوثها (زي مشاهدته للخناقات بينكم، أو تعرضه لاعتداءات جنسية، أو الكذب بشأن وفاة أحد الوالدين أو هجره للمنزل، أو الكذب بشأن أبوه أو أمه الحقيقين).
معاملته على إنه كبش الفداء.
اللي هيتحمل وزر مشكلاتٍ معينة بتمر بيها الأسرة.
التملك.
معاملته على إنه شيء تابع ليك، مش له شخصية منفصلة.
ودا عن طريق عدم تشجيعه على استكشاف العالم بعيدًا عنك.
بحجة أنه ميقدرش يستغنى عنك أبدًا، أو ميعرفش يعتمد على نفسه.
الإهمال.
وعدم تلبية الاحتياجات المادية أو العاطفية.
اللي بيوصل شعور للطفل إن احتياجاتك مش مهمة.
استخدامه كأداة نحو الآخر خلال المشادات أو استمالته لصف على حساب التاني.
واللي هيولد توتر وتمزق شديد في شخصية الطفل.
وإنه مش عارف يرضي مين.
منعه من التعبير عن آرائه أو مشاعره.
وعدم المصادقة عليها.
وإن مشاعره دي طبيعية، وإنها حق ليه.
التذكير المستمر بالأخطاء.
واستخدام التذكير لتهديد أمان الطفل والضغط عليه، وابتزازه عاطفيًا.
عدم التوعية أو التربية الصحيحة.
إهمال التربية الجنسية أو الدينية واعتقاد إن الحياة أكل وشرب بس.
وطالما أنا بشتغل وبجيب فلوس، أنت عاوز مني ايه تاني؟
الموضوع التالي
