لو مش عارف تقبل ذاتك … دايما هتكون شديد الحساسية تجاه رفض الآخرين ليك لو مش عارف تقبل ذاتك … هتضيع حياتك بتدور علي حب الاخرين وقبولهم عشان تحس انك كويس لو مش عارف تقبل ذاتك … هتبقي جهودك كلها للتحسن ف الحياة مركزه في محاولة قهر الاخرين وهزيمتهم مش ف البحث عن افضل امكانياتك لو مش عارف تقبل ذاتك … هتلاقيك بتبالغ في تقدير قيمة الاشياء المادية لو مش عارف تقبل ذاتك … فا انت دايما هتحس بالوحدة وان وجودك مع الاخرين ملوش جدوي واحدة من اكبر العقبات اللي هتواجهنا ف الحياة هي تقبل نفسنا … عشان كدا تعلمنا لقبول ذاتنا هو واحد من اهم الاشياء اللي ممكن توصلنا للسعادة هقولك النهاردة ١٠ خطوات ممكن يساعدوك تقبل نفسك خليك صديقًا لنفسك عامل نفسك دايما اكنك بتعامل صاحبك المقرب .. اتفق من الوقتي بينك وبين نفسك انك مش هتقول بعد كدا لنفسك سواء كنت لوحدك جوا راسك او بصوت مسموع ادام الاخرين اللي متحبش تقوله لصديقك المقرب … ماشي؟ احتفل بمواطن القوة لديك اكتب قايمة بتلات مواطن قوة بتتمتع بيها .. فكر ف طريقة عشان تطور كل بند كتبته ف القايمة … … مثلا لو كتبت ذكائك في لعبة الشطرنج …. ف ممكن تفكر ف طريقة للاشتراك ف مسابقات شطرنج .. وهكذا سامح نفسك لو مكنتش متقبل لنفسك فممكن يكون السبب ورا دا هو احساس بالذنب جواك … ف الوضع دا بقي مسمامحة نفسك هتكون نقلة مهمة جدا ف حياتك … تقدر تعمل كدا بانك تكتب رسالة اعتراف لنفسك … اعترف فيها بالسر اللي انت شايله … وضح فيها كل مشاعر الذنب اللي حاسس بيها. .. بعدين دمر الخطاب دا … احرقه او ارميه ف البحر … وبعد كدا قول لنفسك انا رميت ذنبي خلاص … وابد بداية جديدة كن طيبًا مع نفسك ناس كتير فاكره ان الاهتمام بالنفس هو شكل من اشكال الانانية … لكن ف الحقيقة الاهتمام بالنفس والعطف عليها هو شيء مسؤول انت لازم تقوم بيه لنفسك … اما تبدا تهتم بنفسك هتبدا تحس بالاستحقاق للاهتمام دا ودا هيساعدك تتقبل نفسك مارس التأكيد التاكيد هو عبارة بسيطة ايجابية في المضارع بتعتبر عن حاجة بتخصك … زي مثلا … انا كاتب جيد … انا شخص قوي … ابدا من الوقتي وفكر ف شي ايجابي بيخصك عايز تاكد عليه واكتبه ف مكان ظاهر بتشوفه بشكل يومي … مرايه الحمام مثلا … واقراها بصوت عالي كل يوم … ف الاول ممكن تحس ان الموضوع سخيف لكن مع الوقت الاحساس بالسخافة دا هيعدي وهتكتشف بعدها اد ايه التاكيد عنده القدرة علي مساعدتك اكتشف الصفات اللي بتميزك اللي بيخلي شخصا ما مثير للاهتمام هو تفرده وجاذبيته وثقته بنفسه … ف انت تقدر تبدا رحلتك ف تقبل نفسك بانك تكتب قايمة بالاشياء اللي بتستتمع بيها وحاول متتأسرش باراء الاخرين وانت بتكتب القايمة دي ايه نوع الاكل اللي بتحبه؟ ايه الالوان اللي بتحبها؟ ايه الملابس اللي بتحبها؟ بعد ما تخلص القايمة ... بص عليها وابدا ف العمل عليها … نمي شخصيتك وصفاتك الجيدة البس الهدوم اللي عجباك مثلا … اطلب الاكل من المطعم اللي بتحبه حاول انك تعمل كل يوم ع الاقل فعل واحد من الافعال اللي بتميزك وبتتنفرد بيها وسع آفاقك ف الغالب انت متعرضتش الا لخبرات اقل بكتير من اللي ممكن تختبره ف الحياة … وسع من مادراكك … دا هيخليك تتعرف علي قدرات جديدة عندك سافر مثلا لمكان جديد … جرب هدوم جديدة … طعام مختلف … حاول تعمل شي جديد كل اسبوع … دور علي اشياء جديدة تحبها او طرق جديدة للتعبير عن نفسك دا هيخليك تتقبل ذاتك بشكل احسن انظر للناس المحيطين بك لو الناس اللي حوليك بيوصلوا دايما ليك طاقة سلبية او بيحكموا عليك او بيحكموا علي الاخرين او علي نفسهم .. دا مش هيساعدك تتقبل نفسك خلي حوليك بس الاشخاص اللي متقبلين نفسهم وقلل الوقت اللي هتقضيه مع الناس غير المتقبلين لنفسهم اللي بيستمرو ف الشكوي قدم مبادرات لطيفة للآخرين ابذل بعض الجهد عشان تقدم المساعدة للاخرين ودايما قدر بوادر لطيفة بدون مقابل طول ما انت ماشي في يومك .. اما تعمل كدا هتحس بالرضا عن نفسك معاملة الناس بطريقة كويسه هتزود سعادتنا وهتخلينا نتقبل نفسنا مارس الامتنان اكتب خمس اشياء بتحس بالامتنان ناحيتها ف اللحظة الحالية .. خد دقيقة فكر فيها ف كل واحدة من القايمة دي واثر وجودها علي حياتك كل اما تحس بالشك بدا يتسرب ليك .. هيساعدك جدا انك تتحول للتركيز علي الامتنان … وبس كدا سلام
