٨ مواقف رهيبة في الشغل
محتوى
في مقولة بتقول (الحب ساحة معركة)، غالبًا اللي قال المقولة دي كان قصده علي الشغل مش الحب.
الشغل هو المعركة .. انت بتبذل فيه مجهود كبير … محدش بيقدره … وفوق دا بتحصل مواقف صعبة؛ تضغط عليك أكتر.
الخبر السعيد إن المواقف دي ليها حلول.
هقوللك النهاردة 8 مواقف صعبة بتحصل في الشغل، وازاي ممكن تخرج منها؟
لو رئيسك في الشغل بينسب الفضل لنفسه.
موقف زي دا صعب؛ لأن هيكون فيه تصادم بينك وبين المدير.
بس أنت مش مضطر تتدخل بعنف، أو تنهار قدامه؛ علشان تثبت حقك.
ببساطة.. لو رئيسك في الشغل بيقول قدام المديرين أو الموظفين التانيين (أنا قمت بالمشروع دا)، .
فلما يجي دورك في الكلام قول (أحنا قمنا بالمشروع دا) ..
لما تقول احنا بدل انا … دا هيساعد يفهم بقية الناس الرسالة بدون ما تقول الموضوع بشكل صريح اللي ممكن يبان انه مش لطيف او هجومي
لو زميلك لسه جديد في الشغل أو متدرب عندك شايف مستواه أعلى من الوظيفة.
هو شإيف مثلا مستواه أعلى من الخطوات المطلوبة منه في الوظيفة، أو حتى من الوظيفة نفسها؛ وبالتالي بيكسل كتير، أو مبينفذش المهام المطلوبة منه.
بدل ما تضايق أو تحاول تبينله ان هو لسه مش عارف اوي وتبينله الخطوات اللي المفروض يمشي عليها فيه طريقة لطيفة ممكن تعملها.
روح تقوله بتعاطف إنك كنت في نفس الوظيفة دي قبل كدا وإنك مدرك موهبته، بس هو محتاج يتعلم واجبات الوظيفة ومتطلباتها؛ علشان يعرف يكمل
لكن لو زعقت فيه بس؛ هيبقا دفاعي، والوضع هيزداد سوء.
لو رئيسك وغد شرير.
بيطلب منك تعمل حاجات مش متعلقة بالشغل.
تحرك العربية مثلًا، أو تشتريله حاجة.
فأنت ممكن تقوم بحوار هادي معاه؛ توضحله فيه:
إنك عاوز تشارك بشكل أكبر في المشاريع المتعلقة بالشغل. وتفكره إنك متعينتش في الوظيفة دي علشان تكون مسؤول عن تنظيم حياته الشخصية.
لو زميلك في الشغل بيتصرف ضدك.
بيعارض كل حاجة بتقولها، وعاوز يخليك تظهر بمظهر الغبي أو غير الكفء.
أول حاجة: انتبه إن دا ممكن يكون في دماغك بس. يعني ممكن تكون ظالم الراجل مثلا معاك
ملاحظاتك وطريقة انتباهك وتحليلك للأمور ممكن تكون غلط.
فيا ريت تعمل حساب دا.
تاني حاجة: تفتكر إن أنت الشخص المهم، مش تعليقاته أو محاولاته.
وطالما بتعمل اللي عليك؛ فمش مهم هو بيقول ايه؟ أو بيحاول يظهرك بأي شكل! … كل دا ملوش اهمية
زميلك في الشغل /أو صديقك /أو متدرب عندك لبسه مش مناسب للشغل.
في الحقيقة أنت مسؤول عن توجيه الشخص طالما متعلق بيك.
توجهه وتنبهه.
ممكن في الأول: تكتب إيميل بصيغة عامة، وتبعته له بتوضح فيه أهمية ارتداء ملابس مهنية مناسبة للوظيفة.
لو دا معملش التأثير المطلوب؛ فاتكلم معاه بشكل مباشر وأكد على أن ملابس الشخص ممكن تخلي الناس تعامله بطريقة أقل جدية أو يستخفوا بيه.
وإنه محتاج ينتبه لدا، وياخده في الاعتبار.
رئيسك في الشغل عاوز يكون صديقك على الفيس بوك.
فيه بعض الوظائف ….العلاقات الشخصية فيها مهمة، وبتتطلب إقامة صداقات بين الموظفين. بس فيه وظائف تانية دا شيء مش مناسب خالص.
لو انت مش مناسب معاك او مش عايزه يبقي صديقك … حاول تتجاهل طلب صداقته، لحد ما هو يتكلم عنه.
وبعد كدا قول بشكل عَرضي إن أنت بتسمح للعائلة والأصدقاء المقربين جدًا بس برؤية ملفك الشخصي.
زميلك في الشغل أو مديرك بيتخطاك.
ودا تصرف تاني صعب.
عشان تعرف تتعامل معاه أول حاجة: قلهم بشكل خاص إنك مش مهتم بسلوكهم، أو بالدافع منه، لكن دا سلوك مش مهني وبيخليك تحس بعدم الارتياح، ولازم يتوقف فورًا.
وقول إن أنت هتقدم شكوى للـ لشؤون العاملين لو السلوك دا استمر.
زميلك في الشغل بيشاركك معلومات شخصية كتير.
في بعض الأحيان أحنا اللي ممكن نكون بنعمل كدا.
وبالتأكيد لما بنعمل دا بيكون فيه موظفين تانيين حوالينا سامعين ومش عاوزين يعرفوا إنك طلقت مراتك، أو فرحك امتى؟
وبيكونوا متضايقين.
فيه قاعدة كويسة ممكن تمشي عليها:
وهي إنك تفكر: بتروح الشغل ليه؟
ايه الهدف من دا؟
علشان أكون اجتماعي؟
ولا علشان أعمل شغلي؟
لازم تبقي عارف الاجابة ومحددها ع الاسالة دي
