النساء من الزهرة – مشاعر المرأة المتقلبة
لما الراجل يحب واحدة ست .. هي بتبدا تشع بالحب والاشباع … رجالة كتير ف المواقف اللي زي دي بيتوقعوا بسذاجة ان الاشعاع دا هيدوم للابد .. لكن توقعهم دا عامل زي توقع استمرار طلوع الشمس او استمرار فصل الربيع … مش هيكمل
الست زي الموجه .. وتقديرها لذاتها بيطلع وينزل ف حركة تموجية … لما تحس بالرضا بتوصل لاعلي قمة ف الموجة لكن بعد كدا ممكن ان مزاجها يتبدل وتتكسر الموجة … التكسر اللي حصل دا مؤقت .. وبيحصل لوحده … هي بعد ما هتوصل للقاع حالتها هتتبدل بردو فجاة *وهتحس مرة تانية انها راضية عن نفسها … لوحدها … زي ما طلعت لوحدها بتنزل لوحدها وبتطلع تاني لوحدها
الامر المهم هنا ان شريكها يفهم الطبيعة دي .. ويفهم هي بتكون محتاجه لايه ف كل وقت من الاوقات دي
لما تتجه المراة للبير بتاعها مثلا .. شريكها محتاج يتعلم ان الوقت دا هي بتكون محتاجاه فيه .. وان الامر هنا مش مشكلة لازم نحلها او نصلحها .. لكن دي فرصة لدعمهما بحب غير مشروط
وهي متجهه للبير بتاعها هي محتاجه شخص يكون معاها .. شخص يستمع ليها وهي بتتكلم … شخص يحس بمشاعرها ويتعاطف معاها … محتاجا شريكها يقدملها الحب والانتباه والدعم حتي لو مش فاهم تماما اللي هي بتمر بيه …
لما هي تدخل البير .. وانت تقدملها الدعم … مش من الضروي انها هتتحسن بشكل مباشر … لكن الدعم دا هيساعدها توصل اسرع لقاع الموجة
واما هي بتخرج … الرجالة بتسيء فهم التبدل الايجابي اللي حصل دا … بيتخيلوا ان التبديل الايجابي اللي حصل دا معناه ان اللي كان بيضايقها اتحل او تمت معالجته … عشان كدا بعدها اما بتتكسر موجتها مرة تانية وتظهر قضايا تانية .. الراجل ممكن يبقي قليل الصبر …ويقوم باستجابات غير مناسبة .. زي انه يقولها … كم مرة احنا المفروض نناقش الموضوع دا … انا سمعت الكلام دا قبل كدا … انا فاكر اننا انهينا الكلام دا من فترة صح؟ …
بالطريقة دي هو بيبعد نفسه عنها اكتر واكتر … اما بيحاول يخليها تبان انها غلطانه … دا هيزود المها …. من المؤلم ان حد يتعرض للهجر اما يكون اللي محتاجه هو الحب ..
الراجل محتاج يفهم الطبيعة التموجية بتاعة المراة … اما تحس الست انها مدعوة ف الاوقات الصعبة دي .. ساعتها هتبدا تثق بالعلاقة اكتر وهتبقي ممتنة جدا ليها … بالتدريج هتبقي متحررة اكتر من سيطرة التموج عليها … بشكل ميحجبش طبيعتها اللطيفة
اه .. حب الراجل ودعمه مش هيقدر بصورة فوريه انه يحل قضايا المراة … لكن حبه هيخليها تحس انه اامن بالنسبة ليها انها تغوص ف اعماق بيرها … ودا هيحسسها براحة كبيرة وارتياح اكبر ف العلاقة
تخلي عن احكامك واتعلم ازاي تقدم الدعم المطلوب … استحمل شوية عواصف عاطفية وشوية جفاف عاطفي وف المقابل … لو عملت كدا هتستمتع بعلاقة تزاد ف الحب والرغبة عبر السنين …
دخول الست للبير مش غلطتك او بسبب فشل منك ولا منها .. دي طبيعتها .. وهي عندها القدرة انها تطلع من الموجة دي تلقائيا اما توصل للقاع .. انت مش عليك انك تصلحها .. هي مش معطوبة .. هي بس محتاجه لصبرك وتفهمه وحبه
وبس كدا
سلام
